Ютазы мәктәбендә – экология дәресе

Ютазы авылы, асылда бөтен районда экологик вәзгыятьне бәян иткән район башлыгы, яшь буын вәкилләрен тирә-як мохитне саклауны һәм яклауны агач утыртудан башларга чакырды. Аның тамырларын туфрак белән генә тоташтырып калмыйча, яшел үсентене тәрбияләп үстерү мөһимлеген дә ассызыклады. Балаларны борчыган күп санлы сорауларга Рөстәм Нуриев алар белән бергәләп җавап эзләде. Шуны әйтергә кирәк, яңгыраган сораулар экология белән генә бәйле түгел иде. Укучыларны район тормышы, аның үсеше дә борчый булып чыкты.