Узган атнада безнең боксчылар кызлар һәм егетләр арасында Октябрьский шәһәренең Ачык Беренчелегендә катнаштылар.
Ютазы спортчылары өчен Башкортстан, Татарстан һәм Казахстаннан 180нән артык ярышчы көндәш булды. Безнең республика дәрәҗәсен "Атлант" яшүсмерләр-яшьләр клубы каршында эшләүче Урыссу җыелма командасы һәм Баулы шәһәре спортчылары яклады. Боксерлык осталыгын егетләр өч көн дәвамында сынады. Безнең боксчылар призлы урыннарны - дүрт алтын, бер көмеш һәм бер бронза медале яулады. Һичшиксез, спортчыларның яхшы нәтиҗәләре - бу аларның тренерлары Рифкать Мөхәммәтшин һәм Владимир Добрин казанышы.
Нет комментариев