Урыссу ГРЭСында вакансияләр мини-ярминкәсе ике көн эшләде

Беренче эш көнендә ярминкәдә Урыссу электр-механика заводы, Башкортстанның "ОЗНО-Измерительные системы" һәм "ОЗНО-Октябрьский механический завод" җәмгыятьләре катнашкан. Икенче көнне ярминкәдә катнашу теләген"Электросоединитель" заводы һәм Октябрьский каласының "Таргин Механосервис" җәмгыяте белдергән. Чара барышында эш белән тәэмин итүчеләр уннан артык һөнәр буенча 40 эш урыны тәкъдим иткән. Алар - слесарь-ремонтлаучы, электромонтер, токарь, эретеп ябыштыручы, фрезеровщик һәм башкалар. Район мәшгульлек үзәге директоры Наил Минневәлиев сүзләренә караганда, вакансияләр ярминкәсенә кыскартуга эләккән 25 эшче килгән. Аларга Ютазы районында актуаль булган вакансияләр турында мәгълүмат бирелгән. Ахырда эшчеләр киләчәктә эшкә урнашу максатында анкета һәм резюмы тутырган.

Беренче көн

Икенче көн