Киләсе елда Татарстанда яшәүче гаиләләргә торак сатып алуга ярдәм акчасы 2 миллиард сумга кимрәк бүленәчәк
2026 елда Татарстанда гаиләләрне торак белән тәэмин итүгә 23 миллиард сум тирәсе юнәлтеләчәк, бу 2025 елга караганда (25,7 миллиард сум) 2 миллиард сумга кимрәк. Карар проекты коррупциягә каршы экспертиза уза.
Субсидияләр яшь гаиләләргә, бюджет өлкәсендә эшләүчеләргә һәм дәүләт ярдәме белән торак алырга дәгъва итүчеләргә биреләчәк. Программа кысаларында 150,6 мең квадрат метр торак төзү планлаштырыла.
Финанслау оешмалар түләүләре (9,2 миллиард сум) һәм ТР раисы каршындагы Дәүләт торак фонды акчалары (13,7 миллиард сум) хисабына тәэмин ителәчәк. Республика бюджетыннан 700 миллион сум тирәсе балалы гаиләләргә ярдәм итүгә юнәлтеләчәк.
Элегрәк Казанда ун яшь гаиләгә 27,263 миллион сумлык торак сертификатлары тапшырылуы хәбәр ителгән иде. Акчалар "Яшь гаиләләрне торак белән тәэмин итү" программасы буенча түләнде. Акчаларны торак сатып алуга яисә ипотеканы түләүгә сарыф итеп була, әмма шартлар бар.
Бирелгән акчалар балалы гаиләләр өчен торакның норматив мәйданы бәясенең 35 процентын, баласыз гаиләләр өчен 30 процентын каплый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев