Яр Чаллыда полиция мошенниклык очрагын ачкан
Полиция телефон аша мошенниклар корбаны булган 89 яшьлек хатын-кызга 200 мең сум акчасын кире кайтарган. Пенсионер акчаны курьерга тапшырган, әмма соңыннан шикләнеп полициягә шалтыраткан.
ТР буенча Эчке эшләр министрлыгының матбугат хезмәте хәбәр итүенчә, гыйнвар урталарында аңа торак-коммуналь хуҗалык оешмасы хезмәткәре булып таныштырган хатын-кыз шалтыраткан. Ул җиһаз урнаштыру өчен гариза рәсмиләштерергә тәкъдим иткән һәм шәхси мәгълүматларны алдашып белгән. Берничә көннән соң пенсионерга кабат шалтыратканнар — инде антитеррор комитетыннан дип. Аңа аның исеменә исәп ачылган һәм аннан акча чит илгә күчерелгән дип хәбәр иткәннәр. «Җаваплылыктан качу» өчен хатын-кызга үзенең җыелган акчаларын «казначылыкка» тапшырырга тәкъдим иткәннәр.
Мошенникларга ышанып, пенсионер 200 мең сум җыйган һәм аларны курьерга биргән. Шуннан соң ул полициядән дөрес эшләгәнме-юкмы икәнлекне сорарга уйлаган. Хокук сакчылары бу мошенниклар схемасы икәнен аңлатканнар һәм шунда ук курьерны – акча алып киткщн кешене эзләргә керешкәннәр.
Полицейскийлар ир-атны тапканнар. Ул посылканы китерүгә заказ алуын һәм җинаять турында белмәвен сөйләгән. Хәлне белгәч, ул төргәкне полициягә тапшырган. «Мошенниклык» маддәсе буенча җинаять эше ачылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев