Казан аэропортында Санкт-Петербургка очып китү һәм кире кайту рейслары тоткарлана.
Бу хакта онлайн-табло мәгълүматлары дәлилли. Сәбәбе- Пулковода пилотсыз очучы аппарат хәвефе янау аркасында килеп чыккан вакытлыча чикләүләр.
Петербургка соңга калып өч самолет китәчәк. Кире юнәлештә дүрт рейс тоткарланган. Моннан тыш, Екатеринбургка очышны 6 сәгатькә күчергәннәр. Сочига, шулай ук Мәскәүгә һәм кире рейслар аз гына кичектерелә.
Идел буе транспорт прокуратурасы тоткарлыклар аркасында Казан аэропортында пассажирларның хокуклары үтәлешен күз уңына алган.
Нет комментариев