Миңнеханов: Муса Җәлил туган җиренә булган мәхәббәтен һәм батырлыгын иҗатында чагылдырган

Татарстан Республикасы Рәисе искәрткәнчә, бүген Советлар Союзы Герое, татар халкының күренекле улы, көрәшче һәм шагыйрьнең тууына 120 ел тула.

Миңнеханов Муса Җәлилнең һәм аның көрәштәшләренең – Кормаш-Җәлил төркеменең батырлыгы – Ватанга тугрылык һәм чиксез мәхәббәтнең иң якты үрнәге булуын ассызыклады.

«Аларның бердәмлеге һәм сыгылмас рухы мәңгегә безнең хәтеребездә калачак һәм тынычлыкның кадерле булуын, Ватанны саклау һәм Бөек Җиңү казанышларын яклау бурычын мәңге искә төшереп торачак», – диелгән мөрәҗәгатьтә.

Республика Рәисе шагыйрьнең татар һәм дөнья әдәбиятына керткән өлешенә дә игътибарны юнәлтте, Җәлил хезмәтне, туган җир матурлыгын һәм халыклар арасындагы дуслыкны данлаган, дип ассызыклады ул.

«Фашист концлагерьларында һәм төрмәсендә җәзалап үтерелгән Муса Җәлил гомеренең соңгы минутына кадәр илгә һәм халкына булган антына тугры кала. Туган җиренә булган мәхәббәтен һәм батырлыгын иҗатында чагылдыра. Аның рухи көче һәм ватанга тугрылыгы мәңге онытылмас!» – дип билгеләде Рөстәм Миңнеханов.

Тулырак: https://dzen.ru/a/aZFMZNSrMzjM1NEh?utm_source=yxnews&utm_medium=desktop