Татарстанлыларга автомобильгә техник тикшерүне ничек еш узарга кирәклеген сөйләделәр
Автомобильне техник тикшерү – водительләр даими рәвештә очраша торган мәҗбүри гамәл. Татарстан халкына үз машиналарына ничек еш тикшерү үткәрергә кирәклеге турында «Татар-информ» сөйли.
Тикшерү вакытында белгечләр автомобильнең төп узелларының һәм системаларының торышын бәяли. Тормозларның эше, руль белән идарә итүнең һәм яктырткыч җайланмаларның төзеклеге, пыяла чистарткычларның һәм югычларның функцияләшүе, шулай ук шиннарның һәм дискларның торышы тикшерелә.
Гамәлдәге законнар нигезендә, яңа җиңел автомобильләр, мотоцикллар һәм рөхсәт ителгән максималь массасы 3,5 тоннага кадәр булган йөк машиналары чыгарылганнан соң беренче дүрт елда техник карау узарга тиеш түгел.
Таксида эшләүче автомобильләр өчен аерым кагыйдәләр гамәлдә: аларның техник торышы эксплуатациянең беренче биш елында ел саен, аннары елына ике тапкыр тикшерелә.
Дүрт яшьтән ун яшькә кадәрге җиңел машиналар ике елга бер тапкыр техник карау узарга тиеш, ә ун яшьтән өлкәнрәк транспорт ел саен.
Массасы 3,5 тоннадан артык булган автобуслар һәм йөк машиналары беренче биш ел дәвамында ел саен, аннары һәр алты ай саен карала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев