Баулы районында ютызылыны бәрдергәннәр

20 июньдә төнге сәгать икедә Баулы-Октябрьский автоюлының унҗиденче чакырымында Октябрьский ягыннан М-5 трассасы ягына хәрәкәт иткән җиңел автомобиль утыз ике яшьлек җәяүлене бәрдерә. Яшь кеше вакыйга урынында һәлак була. Автомобиль йөртүче кача. Хәзерге вакытта тикшерү бара, транспорт чарасы ачыклана. Кызганыч, һәлак булучының яктылык кайтаргыч элементлары булмый, дип раслый автоинспекторлар һәм торак пунктлардан читтә тәүлекнең караңгы вакытында мондый элементларны файдалану мөһимлеге турында искәртәләр. Күптән түгел мәктәпләрдә үткәрелгән соңгы кыңгырау чараларында алар укучыларга яктылык кайтаргыч значоклар таратты һәм алар белән юл хәрәкәте кагыйдәләре турында әңгәмәләр уздырды.