Урыссуның балалар иҗаты үзәге хезмәткәре Фәһимә Нәфукова класс күрсәтте

Оештыручылары булып республика ЭЭМның ЮХИДИ Идарәсе һәм ТР Юл хәрәкәте куркынычсызлыгы фәнни һәм белем бирү программаларын финанслау дирекциясе чыгыш ясаган конкурсның бурычлары - автомобиль йөртүчеләрнең Юл хәрәкәте кагыйдәләрен һәм автомобиль белән идарә итү күнекмәләрен белүләрен ныгыту, аларны юл хәрәкәте куркынычсызлыгын пропагандалауга катнашуга җәлеп итү.

Бәйгедә катнашучылар ярышларның ике этабын узды. Беренче, теоретик этап барышында юл хәрәкәте кагыйдәләрен, автомобиль белән куркынычсызидарә итү нигезләрен, юл хәрәкәте куркынычсызлыгы өлкәсендә Россия закончалыгын, транспорт йөртүчеләрнең җинаять, административ һәм башка өлкәдәге жаваплылыклары, юл-транспорт вакыйгалары нәтиҗәсендә зыян күргән кешеләргә беренче ярдәм күрсәтү ысулларын белүләре тикшерелде. Икенчесендә катнашучылар вакытка катлаулы күнегүләр башкарганда, җиңел автомобиль белән идарә итү күнекмәләрен күрсәттеләр.