ЮХИДИ хезмәткәрләре кул фонарьлары өләштеләр

Җәяүлене ерактан күренерлек итүнең ансат кына юллары бар, югыйсә. Әйтик, өс киемендә яктылык кайтаргыч элементлар куллану. Моңа өстәп ЮХИДИ хезмәткәрләре кечкенә генә кул фонарьлары өләшә башладылар.

Әгәр машина йөртүче якынга гына яктыртучы фара уты белән хәрәкәт итә икән, ул юлдагы җәяүлене 25- 50 метр аралыгында гына күрәчәк. Ә инде соңгысы яктырткыч кайтаргыч элементтан файдаланса, бу ара 150-200 метрга артачак. Еракка яктырта торган фара кулланганда гәүдәсендә яисә кулында шул элемент булган җәяүле 350 метр аралыкта күзгә ташланачак. Бу инде руль артына утырган кешегә ниндидер карар кабул итү өчен 15-25 секунд вакыт бирә. Шулай итеп, җәяүленең гомере сакланып кала. 

Районның ЮХИДИ хезмәткәрләре балаларга кул фонарьлары тапшырганда тагы бер тапкыр алардан кайда һәм ничек кулланырга булуы турында сөйләделәр, юл-йөрү кагыйдәләрен искә төшерделәр.