Мәктәп тәмамлаучыларга өлгергәнлек аттестатлары тапшырылды

Безнең горурлыгыбыз һәм киләчәгебез булган егет-кызлар олы тормышка юллама алды. Күпмедер дәрәҗәдә бу районың алтын фондын озатуга әверелде. Алда яшьләрне яңа офыклар — дәрәҗәле вузлар, колледжлар, техникумнар һәм зур мөмкинлекләр дөньясы көтә. Әлегә алар илебезнең төрле төбәкләренә таралсын да ди, әмма күпләре аның данын арттырыр өчен туган төягенә әйләнеп кайтыр дип ышанасы килә. Зал көчле алкышларга күмелде, чөнки сәхнәгә хезмәте белән хөрмәт казанган кешеләр — мәктәпне тәмамлаучылар, аларның ата-аналары, укытучылар күтәрелде. Тантанада катнашучыларга изге теләкләрен район башлыгы Аяз Шәфыйгуллин һәм мәгариф бүлеге начальнигы Сергей Абрамов җиткерде, алар тантаналы чарага җитәкчелек итте. Башлык кулында — аерым үрнәктәге аттестатлар, беренче һәм икенче дәрәҗәдәге медальләр, шулай ук район башлыгының рәхмәт хатлары. Сәхнәгә бер-бер артлы исемнәре район тарихы битләренә язылган егет-кызлар күтәрелде. Болар йомгаклау аттестациясендә югары балларга ия булучылар, фән олимпиадаларында һәм төрле дәрәҗәдәге конкурсларда җиңүчеләр, волонтерлар хәрәкәте сафларында башкаларга риясыз ярдәм күрсәтүчеләр, яшь армиячеләр арасында узган «Сафта атлап йөрү һәм җыр» бәйгеләрендә уңышлы чыгыш ясаучылар һәм «Беренчеләр хәрәкәте» үсешенә саллы өлеш кертүчеләр. 

— Бу мәктәпне тәмамлау чарасы гына түгел, — диде сәхнәдән кичәне алып баручы, — бу мәгариф өлкәсендә күпьеллык хезмәт җимеше. Һәм шушы еллар дәвамында һәркайсыгыз ата-аналарыгыз һәм зирәк педагогларыгызның ярдәмен тойды, ов, алар бүген балалары һәм тәрбияләнүчеләренең зур ихтирамына лаек. 
Район башкарма комитеты исеменнән Җиңү парадында актив катнашкан һәм муниципалитетның спорт тормышына зур өлеш керткән өчен рәхмәт хатлары тапшырылды. Изге теләкләр концерт номерлары белән үрелеп барды. Мәктәп директорлары кулыннан алынган аттестатлар һәр егет һәм кыз өчен кыйммәтле бүләккә әверелде. Әмма ата-аналар, аннары балалар сүз алган мизгел иң җылысы булгандыр мөгаен. Педагогларга рәхмәт сүзләре аеруча дулкынландыргыч булды, алар матур киенгән, төз, өлкәнәеп киткән балаларның йөрәгеннән чыкты. 

Кадерле чыгарылыш сыйныф укучылары, шуны онытмагыз, кайда гына булсагыз да, район сезне һәрвакыт колач җәеп каршы алачак. Үзегезгә ышаныгыз, кыю максатлар куегыз һәм шуны белегез — без сезнең белән горурланабыз. Хәерле сәгатьтә, балалар! Бу сүзләр тантанага нокта куйды.