Хәмидуллиннар гаиләсе – район гәзитен берничә буын укучылар

Әлеге вакытта гәзиткә язылу чоры бара, район башлыгы Аяз Шәфыйгуллин билгеләп үткәнчә, район гәзитеннән башка Ютазы районы тормышын күз алдына да китереп булмый. Ә район гәзитенә тугрылыкның чын үрнәге булып Бәйрәкә авылындагы Хәмидуллиннар гаиләсе тора. Галия апа һәм Али абый – лаеклы ялда, гомерләрен туган җиргә багышлаганнар, һәм укуга мәхәббәтне әти-әниләреннән мирас итеп алганнар.
Ютазы районы Баулы районы составында булган чорлардан ук, ә гәзит "Хезмәт даны" дип аталган вакыттан ук, алар гәзитнең килгәнен зур түземсезлек көткәннәр. "Һәр мәкаләне, һәр битне башыннан ахырынача укыйбыз!" – ди бәйрәкәлеләр. Аеруча авылдашлары турындагы мәкаләләрне зур кызыксыну белән укыйлар икән. Ә почтальоннары Зилә Абдуллина – бик тырыш хезмәткәр икән, сәгать кебек эшли, һәрвакыт гәзитләрне һәм пенсияне вакытында китерә, диләр аның турында.
- Район гәзитен чиратлашып укыйбыз. Гаиләдә беребез район яңалыкларына чумганда, икенчебез "Ватаным Татарстан" республика гәзитен укый. Без 2026 елга гәзитләргә язылдык инде, – диләр Хәмидуллиннар. Алар авылдашларына да язылырга киңәш итә. Чөнки районның барлык яңалыкларын бары тик район гәзитеннән укырга мөмкин.<>