2026 елда Татарстанда хәрбиләрнең бала көткән хатыннарына пособие 45 мең сумнан артык булачак

Бу түләүгә, хәтта ир-ат хәрби уку йортының яки хәрби кафедраның беренче курсында укыса да, хокук бирелә. Бу пособие дәүләт тарафыннан билгеләнгән күләмдә раслана һәм ел саен инфляция күрсәткечләрен исәпкә алып, яңадан карала.

Әлеге түләүне рәсмиләштерү өчен берничә юл каралган:

Социаль фондның территориаль органына шәхсән мөрәҗәгать итү.

Күпфункцияле үзәкнең клиент хезмәтенә бару.

"Дәүләт хезмәтләре" порталы аша онлайн гариза бирү.

"Повестка буенча хезмәт итүче гаиләләр дәүләт тарафыннан аерым ярдәмгә лаек. Бу пособие йөклелек чорында хатын-кызларга терәк булырга, аларга кайгыртучанлык тойгысы бирүгә, шулай ук гаиләнең финанс йөкләнешен үз өстенә алуга юнәлдерелгән", – дип ассызыклады Татарстан Республикасы буенча Социаль фонд бүлеге идарәчесе Эдуард Вафин.

Гаризаны карау өчен, теркәлгәннән соң 10 эш көне вакыт сарыф ителә. Әгәр карар кабул итү өчен өстәмә белешмәләр кирәк булса, бу вакыт 20 көнгә кадәр озайтылырга мөмкин. Уңай карар чыкканнан соң, акча 5 эш көненнән дә артмыйча күчерелә.

Социаль ярдәм чаралары, түләүләр һәм Россия Социаль фондының Татарстан Республикасы бүлеге хезмәтләре турында тулы һәм дөрес мәгълүматны СФР сайтында, шулай ук социаль челтәрләрдәге рәсми аккаунтларда (MAX, ВКонтакте, Одноклассники, Телеграм) табарга мөмкин.

Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына шалтырата алалар (төбәк линиясе тәүлек буе эшли - 24/7, шалтырату бушлай).