Иртәгә, 3 апрельдә, Татарстанда нинди һава торышы булачак?

Якын көннәрдә Татарстанда циклоннар тәэсирендә тотрыксыз һава торышы сакланачак. ТР Гидрометеорология үзәге шундый фаразлар бирде

Иртәгә, 3 апрельдә,төнлә урыны белән томан төшәчәк һәм бераз яңгыр явачак. Көндез  кыска вакытлы һәм яшенле яңгырлар көтелә. Һава температурасы тәүлекнең караңгы вакытында +2 дән +7 градуска кадәр һәм көндез +10 нан +15 градуска кадәр, ә кайбер урыннарда +19 градуска кадәр җылы булачак.

Шимбәгә каршы төндә, 4 апрельдә, бераз яңгырлар явып китәчәк. Әмма көндез сизелерлек явым-төшем көтелми. Шул ук вакытта төнлә һәм иртән урыны белән тагын томан төшәчәк. Төнлә температура +1...+6 градус, көндез +10..+15 градус җылы була.

Якшәмбегә каршы төндә, 5 апрельдә, сизелерлек явым-төшем көтелми, урыны белән томан булуы ихтимал. Әмма көндез Татарстан чираттагы циклонның алгы өлеше хакимиятендә булачак. Күпчелек районнарда яңгырлар көтелә. Төнлә 0...+3 градуска кадәр суыта, көндез +10...+15 градуска кадәр җылыта.

Метеорологларның беренчел мәгълүматларына караганда, дүшәмбе һәм сишәмбе көннәрендә, 6 һәм 7 апрельдә, республикада җылы һава торышы сакланачак, вакыт-вакыт яңгыр явачак. Көндез +8...+13 градус җылылык көтелә.

Тулырак: https://tatar-inform. tatar/news/tatarstanda-ciklonnar-taesirenda-totryksyz-ham-yangyrly-hava-torysy-saklana-5921596