Ютазы гаиләсе баулылардан гаилә учагын» кабул итте

Бу күркәм чара Баулы районы мәдәният йорты солисткасы башкаруындагы дәртле җыр белән башланып китте.

Аннан соң бәйрәм кунакларына сәламләү сүзе һәм изге теләкләр белән Баулы районы башлыгы урынбасары Ринат Хәмидуллин һәм Ютазы районы башкарма комитеты җитәкчесенең социаль мәсьәләләр буенча урынбасары Сергей Рузанов мөрәҗәгать итте.

Исегезгә төшерәбез, 2024 ел Россия Федерациясе Президенты Владимир Путин тарафыннан Гаилә елы дип игълан ителде. Ел билгесе булып Мәскәүдә ВДНХда «Россия» күргәзмәсендә кабызылган «Россия йөрәге» Бөтенроссия гаилә учагы тора. Башкалага утны Изге Троица гыйбадәтханәсеннән алып килгәннәр, анда православие изгеләре Петр һәм Феврониянең никах һәм гаилә яклаучыларының мәетләре саклана. Илебезнең иллеләп төбәгендә инде Зур «гаилә учагы»ннан акабызылган утлы лампалар яна.

Районнан районга тапшырылучы бу гаилә уты Баулыга 25 мартта китерелә. Нәкъ бер атна Баулы ЗАГСында булганнан соң, 1 апрельдә ул тантаналы рәвештә Ютазы районына тапшырылды.

Урыссудан күп балалы Ирина һәм Евгений Абрамовлар гаиләсенә Гаилә учагы утын баулылар Гүзәл һәм Василий Рыковлар тапшырды. Абрамовлар гаиләсе — Ютазы районында иң хөрмәтле гаиләләрнең берсе. Ирле-хатынлы биш кыз тәрбияли, икесе дә укытучы булып эшли, алар туганнарына һәм якыннарына мәхәббәт һәм хөрмәт тәрбияли, үз тәҗрибәләрен һәм тырышлыкларын балаларга өләшә. Моннан тыш, алар «Доброшвеи» волонтерлар отрядын оештыручы, алармахсус хәрби операциядә катнашучыларга даими ярдәм оештыра.

— Бу тантаналы чарада катнашу — безнең өчен зур мәртәбә. Гаилә — ул һәр кеше өчен мөһим. Мәхәббәт, хөрмәт һәм үзара аңлашуда безнең гаилә бәхетенең сере. Гаиләдә иң мөһиме — бер-береңне ишетә белү. Без яшьләрне күп бала табудан, күп балалы гаилә булудан курыкмаска чакырабыз. Балалар-гаилә байлыгы, чөнки беренче чиратта нәкъ менә шундый гаиләләрдә мәхәббәт һәм хөрмәт була. Әйе, катлаулы, әйе, ата-аналар үзләрен шәхес буларак югалталар, чөнки алар балаларда эриләр, ләкин без моңа лаек. Балалар безнең горурлыгыбыз! Безнең яраткан бәйрәмебез-Гаилә, мәхәббәт һәм тугрылык көне, без аны һәрвакыт 8 июльдә билгеләп үтәбез, — дип уртаклашты Абрамовның хатыны.

«Россия йөрәге» гаилә уты белән тапшырылган капсула Ютазы районында 8 апрельгә кадәр булачак. Аннары гаилә уты эстафетасы Азнакай районына тапшырылачак.

 Бу Ут үзе белән яктылык, мәхәббәт, җылылык алып килсен һәм барыбызга да гаилә кыйммәтләрен саклау- ныгыту, бер-беребезне ярату һәм кайгыртуның мөһимлеген искә төшерсен.

Анастасия МИХАЙЛОВА