Татарстанның Юстиция министрлыгы мессенджерларда судтан качуның мөмкин ысуллары турында мәгълүмат тапкан
Татарстан Республикасы Юстиция министрлыгының банкротлык мәсьәләләре буенча республика башкарма хакимият органнары белән үзара бәйләнеш секторы мөдире Дарья Бекмансурова, мәгълүмат киңлеген планлы мониторинглау барышында, интернетта кредиторларның мәнфәгатьләрен бозарга һәм Федераль суд приставлары хезмәтенең законлы эшчәнлегенә комачауларга мөмкин булган материалларны ачкан.
«Тикшерү күрсәткәнчә, кайбер телеграм-каналларда суд актларын гамәлгә ашырудан качу һәм бурычларны түләтүнең законлы процедураларын әйләнеп үтү буенча киңәшләр үз эченә алган публикацияләр таратыла», — дип билгеләп үтте Дарья Игорь кызы. Аның сүзләренчә, бу хәбәрләрдә приставлардан активларны яшерүнең төрле вариантлары тәкъдим ителгән.
Ачыкланган материаллар нигезендә Дарья Бекмансурова урнаштырылган хәбәрләрне хокукый экспертиза үткәрү һәм прокурор чараларын гамәлгә ашыру өчен прокуратура органнарына тиешле мәгълүмат җибәргән. «Суд карарларын үтәүдән баш тартырга омтылулар бурычлылар өчен өстәмә җаваплылыкка китерергә мөмкинлеген аңларга кирәк. Шикле схемаларга мөрәҗәгать итү урынына, гражданнар бурычларны хәл итү өчен, гамәлдәге законнарда каралган легаль механизмнарны кулланырга тиеш», — дип ассызыклады Юстиция министрлыгы вәкиле.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев