Илкүләм проект ярдәмендә Татарстанда 1,7 мең кеше яңа белгечлекләргә укып чыккан

 Мондый мөмкинлек «Демография» илкүләм проектының «Мәшгульлеккә ярдәм итү» федераль проектын гамәлгә ашыру нәтиҗәсендә барлыкка килде, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы матбугат хезмәте.

Үткән ел республикада әлеге үзәкләрдә 8 276 кеше яңа белгечлеккә укыган.

Федераль бюджет исәбенә оештырыла торган белем бирү курсларында гражданнарның аерым категориясе укый ала. Мәсәлән: 50 яшьлек һәм өлкәнрәк яшьтәге затлар, инвалидлар, эшен югалту янаган хезмәткәрләр, махсус хәрби операциядә катнашканда һәлак булганнарның гаилә әгъзалары, мәктәпкәчә яшьтәге балалары булган әниләр һ.б.

Бүгенге көндә Татарстанда дүрт кадрлар үзәге эшли. Алар Казан, Чаллы, Әлмәт һәм Кукмара шәһәрләрендә түбәндәге адреслар буенча урнашкан:
Казанда Мәскәү районы буенча «Рәсәй эше» кадрлар үзәге – Гагарин урамы, 46нчы йорт;
Чаллыда Халыкны эш белән тәэмин итү үзәге базасында «Россия эше» кадрлар үзәге – Сөембикә проспекты 43/20нче йорт;
Әлмәттә «Рәсәй эше» кадрлар үзәге – Герцен урамы, 86а номерлы йорт;
Кукмарада «Рәсәй эше» кадрлар үзәге – Ворошилов урамы, 44нче йорт.Яңа белгечлеккә укырга теләүчеләр «Рәсәй эше» («Работа России») интернет-порталында (trudvsem.ru/) теркәлеп, белем бирү программасын һәм оешмасын сайлап, гариза җибәрергә тиеш. Хәзерге вакытта 263 программа буенча укытулар үткәрелә, алар арасында – мәгълүмати технологияләр өлкәсе, мәгълүматлар аналитикасы, программалаштыру, персонал белән идарә итү, финанслар, маркетинг, дизайн, мәгариф, хезмәт күрсәтү һ.б. кебек юнәлешләр бар. Әлеге портал шулай ук эш тәкъдим итүчеләргә дә кирәкле кадрлар табарга булыша. Мәсәлән, «Максатчан укыту» бүлегендә эш бирүче үзенә кирәкле белгечләрне укыту өчен килешү төзи ала. Ә «Практикалар һәм стажировкалар» бүлегендә яшь белгечләрне булачак эш процессы белән таныштырып һәм предприятиедә практика яки стажировка үтәргә чакырып, алга таба аларны шунда эшкә җәлеп итәргә була.