Мәхмүтовлар-Мөхәммәтҗановлар: «Гаилә учагыбыз якты янсын»

Республика күләмендәге «Нечкәбил» ана һәм гаилә матурлык конкурсы кысаларында узган 2024 елгы Татарстан гаиләләре фестивале сәхнәсендә Ютазы районыннан Мәхмүтов — Мөхәммәтҗановлар гаиләсе аеруча игътибар үзгендә булды.

Йорт учагы сагында торучы Айгөл Фәүзил кызы район күләмендә киң танылу алган. Ул мәгариф бүлеге башлыгының тәрбия эше буенча урынбасары. Мәктәпләрдә «Гаилә белеме» проектын уңышлы иңдерү юлы белән, гаилә тәрбиясе мәсьәләләренә зур игътибар бирә.

Авыл җирлекләре белән эшләү бүлеге җитәкчесе Зөлфия Әминева, Урыссу җирлеге башлыгы Фәния Әминева һәм Иске Урыссу авылы активистлары белән берлектә берничә гаилә спорт бәйрәме һәм «Гаиләм — байлыгым» бәйгесен үткәрде. Аның тормыш иптәше Рөстәм Илдус улы «Коннект Ойл» компаниясендә эшли, шул ук вакытта яраткан спорт төрләре — волейбол һәм хоккей белән шөгыльләнергә дә вакыт таба.

Гаиләдә гаҗәеп сөйкемле ике кыз бала үсә. Камелия һәм Риана Урыссу гимназиясендә белем ала. Айгөл һәм Рөстәм гаилә гореф-гадәтләрен кадерләп саклыйлар, кызларында туган якка, үз тамырларына карата сөю-ихтирам хисе тәрбиялиләр. Алар өчен гаилә кыйммәтләре сүздә генә түгел, ә бәлки тормышларын аерым мәгънәгә баетучы төшенчә дә.

«Һәр гаиләнең үз йоласы бар, без дә искәрмә түгел, — дип сөйли Айгөл. — Гаилә сандыгыбыз бар, анда без үзебезнең фотоальбомнан башлап, кызларыбыз эшләренә һәм рәсемнәренә кадәр истәлекләрне саклыйбыз. Ә иң төп гадәт-барлык туганнар катнашлыгында ел саен үткәрелә торган „зур очрашу“. Бу һәрвакыт бик дулкынландыргыч һәм шатлыклы, әти-әниләребез гаиләләре җылысын саклаучы вакыйга».

Фестивальгә әзерләнү Мәхмүтов-Мөхәммәтҗановларны тагын да ныграк берләштерде. Әйе, бу чыннан да үтә зур җаваплылык — үз гаиләңне генә түгел, гомумән яраткан төбәгең, Ютазы районын да тәкъдим итү ич. Әлбәттә, туганнар, дуслар һәм хезмәттәшләр ярдәме гаиләгә сәхнәдә лаеклы чыгыш ясарга булышлык итте.

Мәхмүтов-Мөхәммәтҗановларның гаилә учагы — чын мәгънәсендә җылылык утравы, анда үзара аңлашу, кайгыртучанлык, хөрмәт-ихтирам хисе хөкем сөрә. Якташларыбыз үрнәге илһамландыра һәм традицион гаилә кыйммәтләренең татарстанлылар йөрәгендә элеккечә үк.