Хезмәт ветераны Гөлсылу Әхмәдиева 85 яше тулу уңаеннан котлаулар кабул итте

— Ветераннарыбызны кичергәннәре, тырыш хезмәтләре өчен хөрмәт итү — безнең изге бурычыбыз. Нәкъ менә алар безне зирәклеккә, тәртиплелеккә, беркайчан да бер уку йортында да укытмаган тормыш кануннарына өйрәтә. Сез безгә чын тормыш дәресләре бирәсез. Туган көнегез белән чын күңелдән котлыйм, нык сәламәтлек, игелек һәм бәхет телим, — дип котлады Әбсәләм авылы җирлеге башлыгы Гөлназ Кубашева һәм юбилярга бүләкләр тапшырды.

Хезмәт ветеранының тормыш юлы җиңел булмый, әтисе сугышта һәлак була, бар авырлыкны ул үз иңендә татый. Әмма Гөлсылу апа беркайчан да күңел төшенкелегенә бирелми, һәрвакыт намуслы хезмәт сала. Миңнегөл Мостафина билгеләп үткәнчә, Гөлсылу апа — ул яхшы күңелле кеше, беркайчан да беркемгә дә явызлык теләмәгән. Хәзер дә ул игелекле, бай рухлы һәм якты кеше булып кала.

Ире Әүхәди абый белән ике ул үстерәләр, йорт салалар. Лаек ялга чыкканчы агач эшкәртү комбинатында эшли. Әнисен, аннары ирен соңгы юлга озата. Бүген ул кече улы гаиләсе белән бергә яши. Хөрмәтле ветеран тырыш хезмәте белән генә түгел, ныклы, тату гаиләсе белән дә мактана ала.