Республикада һәр бишенче бала – бердәм пособие алучы

2026 ел башыннан Русия Социаль фонды  бу максатларга 14 млрд сумнан артык акча күчергән.

Пособие гаиләләргә билгеләнә, аларда бер кешегә айлык керем төбәк яшәү минимумыннан артмый, ә хисап чорында хезмәткә сәләтле һәр әгъзаның кереме кимендә 8 МРОТ тәшкил итә.

Түләү күләме — 50%, 75% яки 100% бала өчен яшәү минимумыннан (2026 елда — 15 615 сум). Минималь керемне исәпләгәндә, хезмәт хакы, эшкуарлык керемнәре һәм вакытлыча эшкә яраксызлык буенча пособие исәпкә алына.

Пенсия алу (картлык, туендыручысын югалту яки инвалидлык буенча) хезмәт кереме булмауның нигезле сәбәбе булып таныла. Кереме булмаган  гражданнар өчен шундый кагыйдә саклана: хисап чорының 10 аенда нигезле сәбәпләр булса, пособие билгеләнә.

«Бердәм пособие — балалы гаиләләргә ярдәм итүнең төп чарасы. Без ел башыннан 14 млрд. сумнан артык акча күчердек. Барлык үзгәрешләр гамәлдә, гаиләләр түләүләрне индексацияләнгән күләмдә һәм тоткарлыксыз ала», — дип белдерде СФР идарәчесе Эдуард Вафин.

Тулы мәгълүматны СФР сайтында, соцчелтәрләрдә (ВКонтакте, Одноклассники, Telegram) яки 8 800 100 0001 номеры буенча белешмә алып була (тәүлек буе, бушлай).