Бүген Ютазы урта мәктәбендә Туган телләр һәм Халыклар бердәмлеге елына багышланган "Парламент дәресе" узды

Төрле телләрдә яңгыраган җырлар һәм биюләр, республикабызның уңышлары турындагы видеолар катнашучыларны битараф калдырмады. Мәктәп директоры Әнис Ямалетдинов: - мәктәбебез укучыларының үз телләрен яратып, хөрмәт итеп өйрәнүләрен, гореф-гадәтләрне сакларга тырышулары куандыра. Без бай халык һәм шундый булып калырбыз да диде. Чара татар халкының гимнына әверелгән "Туган тел" җыры белән тәмамланды.