Татарстан хәрби комиссариатында пилотсыз системалар гаскәрләре хәрби хезмәткәрләре өчен түләүләр һәм социаль ярдәм турында сөйләделәр

Исемлеккә керә:

Махсус хәрби операция зонасында булганда ике өстәмә хезмәт хакы һәм тәүлеклек түләүләр.

Бер тапкыр бирелә торган түләүләр: федераль – 400 мең сум һәм Татарстан бюджетыннан региональ – 2,5 млн сум.

Дошманның коралларын һәм техникасын юк иткән өчен 5 меңнән 500 мең сумга кадәр өстәмә премияләр.

Актив хәрби хәрәкәтләрдә катнашкан өчен түләүләр.

Хәрби хезмәткәрләр өчен тупланма-ипотека системасында (ТИС) катнашу мөмкинлеге.

Татарстанда пилотсыз системалар гаскәрләрендә хезмәт итәргә теләүчеләр өчен 117 номеры буенча кайнар линия ачылган (тоташтырганнан соң 4кә басарга кирәк). Алдан сайлап алу пункты белгечләре туры килгән кандидатларга шалтыратыр.

Исегезгә төшерәбез, пилотсыз системалар гаскәрләренең аерым төрен булдыру турында 21 ноябрьдә бу гаскәрләр башлыгы урынбасары полковник Сергей Иштуганов игълан иткән иде. Элегрәк тиешле бүлекчәләр төрле төр һәм гаскәрләр составында булган.

Яңа гаскәрләргә пилотсыз техниканың бөтен спектрын: очучы, җир өсте һәм диңгез техникасын идарә итү өчен операторлар кирәк. Контракт ким дигәндә бер елга төзелә һәм автоматик рәвештә озайтылмый. Хәрби хезмәткәрләр башка частьларга күчерелмәячәк, ә ким дигәндә ике ай дәвам итәчәк уку Татарстан белән күрше төбәкләрдә узачак.

Компьютер уеннарын яратучыларның һөнәрне уңышлы үзләштерү өчен яхшы мөмкинлекләре бар, чөнки аларда вак моторика үсеш алган һәм таныш интерфейс укуны тизләтә.

1 гыйнвардан Татарстанда РФ Оборона министрлыгы белән контракт төзергә теләүчеләр өчен бер тапкыр бирелә торган түләү 2,9 млн сумга кадәр тәшкил итә, бу илдә иң югары күрсәткечләрнең берсе. Сумма республика бюджетыннан 2,5 млн сумнан һәм федераль министрлыктан 400 мең сумнан тора.

Моннан тыш, республикада махсус хәрби операциядә катнашучылар һәм аларның гаиләләре өчен 3 меңгә якын төрле ярдәм чарасы гамәлдә.

Контрактлы хезмәт, түләүләр, премияләр һәм ташламалар турында тулырак мәгълүматны heroes-tatarstan.ru сайтында, шулай ук Казанда Аэропортовская ур., 1/40 адресы буенча урнашкан Хәрби хезмәткә контракт буенча сайлап алу пунктына (1 нче разрядлы) мөрәҗәгать итеп, (843) 221-44-52 телефоны аша алырга мөмкин. Башка төбәкләрдә яшәүчеләр өчен 8-800-222-59-00 бушлай номеры һәм 117 кол-үзәкнең төбәкара номеры бар.